Kom mét mich mej nao de Landdag

d.d. 6 september 2009 - tekst: Mark Fonteijn - muziek: Mark Fonteijn

Couplet:

Un dauwdruppel gleensterdj aan de wuivendje koeëre
De zon straaltj zien straol langs ’n tak aaf oppe wej
Unne noowe zoondig, d’n daag es geboeëre
De goudgaele gloed teikentj Altwieërterhej

In de verte huuër ich un paert met waage gaon
De blîkendje belkes bliêve stil beej mich staon
‘ne tractor met ploog zuktj ziên plek oppe wej
de tiêde herlaeve in Altwieërterhej

Refrein

Kom mét mich mej nao de Landdag
Kom mét mich mej nao Altwieërthej
Trök in de tiêt van ut boeërelaeve
Det es woeë vae dieëze daag vur laeve

Kom mét mich mej nao de landdag
Kom mét mich mej nao Altwieërthej
Mien hand reiktj nao lang vervlooge tiêde
Kom pak ut vast …....  kom mét mich mej

Couplet:

Unne mooter op stoûm dae drieëftj un graanmuuële aan
De smeede dij wêrreke, gaon dur fleenk tieëgenaan
D’n dörskast dae drejt, sluutj zien slaag in de maot
Un geweldjig spektakel, vör jônk en vör aod

Blaosmeziek kleenktj en kluuërtj de sfeer van de daag
Un brok in mien kael, ut maaktj mich efkes van slaag
Jao dit es de landdag in Altwieërterhej
Gae motj ut belaeve, now kom met mich mej

Refrein

Solo trompet

Refrein

De Landdag brîngtj os un stökske trök in de tiêt
Met Passie en trots geprissentieërdj doeër os dörp
Kom gaotj mét mich mej, nao Altwieërterhej.